Xaçmaz rayonu ərazisində yol-nəqliyyat hadisəsi baş verib. APA TV-nin şimal bürosunun məlumatına görə, qəza Xaçmaz-Quba yolunun 17-ci km-də qeydə alınıb. İki “VAZ 2106” markalı avtomobilin toqquşması nəticəsində hər iki maşının sürücüsü müxtəlif dərəcəli bədən xəsarətləri alıb. Sürücülər - 23 yaşlı Vəliməmmədov Şahin David oğlu və Quba rayon sakini, 44 yaşlı Xudadiyev Bahadur Seyfəl oğlu xəstəxanaya yerləşdirilib. Onların vəziyyətinin orta-ağır olduğu bildirilir.

 

İlkin versiyaya görə, hadisəyə yüksək sürət səbəb olub.

 

Faktla bağlı Xaçmaz rayon Polis Şöbəsində araşdırmalar davam etdirilir.