İmişlidə bir ailənin 3 üzvünün xəsarət alması ilə nəticələnən yol-nəqliyyat hadisəsi baş verib. APA TV-nin xəbərinə görə, hadisə Hacıqabul-Horadiz avtomobil yolunun 101-ci kilometrliyində, rayonun Bəhrəmtəpə qəsəbəsinin ərazisindən keçən hissəsində qeydə alınıb.  Ağcabədi  sakini, 56 yaşlı Yelmar Məmişovun idarə etdiyi "Mercedes" öncə dairəyə çırpılıb, sonra yoldan çıxaraq kənara düşüb. Nəticədə avtomobil ciddi zədələnərək yararsız hala düşüb. Qəza zamanı  sürücü və avtomobildə olan ailə üzvləri, 52 yaşlı Zəhra Məmişova, 29 yaşlı Münasib Məmişov müxtəlif dərəcəli bədən xəsarətləri alıb. Yaralılar Təcili-Təxirəsalınmaz  tibbi yardım stansiyasına çatdırılıb. İlkin tibbi yardım  göstərildikdən sonra xəstələr Travmatologiya  şöbəsinə yerləşdirilib. Yaralıların vəziyyətinin qənaətbəxş olduğu bildirilir.

 

Faktla bağlı araşdırma  aparılır.