Şahin Mustafayev Neftçalada qəbul keçirib

İqtisadiyyat və sənaye naziri Şahin Mustafayev Neftçalada vətəndaşları qəbul edib. APATV-nin Mil-Muğan bürosunun verdiyi xəbərə görə, qəbulda Neftçalada Salyan, Neftçala və Biləsuvar rayonlarından olan 50-ə yaxın vətəndaş iştirak edib. Onların müraciətləri əsasən, istehsal və emal sahələrinin yaradılması, sahibkarlıq fəaliyyətinin təşkilinə dəstək göstərilməsi, güzəştli kreditlərin verilməsi, yaşayış məntəqəsinin qazlaşdırılması, kənd yollarının tikintisi, elektrik xətlərinin yenilənməsi, sosial və s. məsələlərlə bağlı olub.

 

Müraciətlər diqqətlə dinlənilib, nazirliyin səlahiyyətlərinə aid məsələlərin həlli üçün aidiyyəti struktur bölmələrin rəhbərlərinə müvafiq tapşırıqlar verib.

 

Qəbula gələn sahibkarların bir sıra təklifləri müzakirə edilib, əkinçilik, heyvandarlıq, çörəkbişirmə, balıqçılıq, mebel istehsalı və s. sahələr üzrə investisiya layihələrinin maliyyələşdirilməsi barədə müvafiq göstərişlər verilib.

 

Müəllif | Apa.Tv
Əlibəy Zeynallı