Bakının Binqədi rayonu ərazisində xəsarətlə nəticələnən yol qəzası baş verib. APA TV-nin məlumatına görə, hadisə Akademik Zərifə Əliyeva adına Milli Oftalmologiya Mərkəzinin qarşısında qeydə alınıb.

 

İlqar Cümşüdov küçəsi ilə hərəkətdə olan və Uğur Mahmudovun idarə etdiyi "İnfiniti" markalı avtomobil yol kənarında dayanan "Kia" markalı maşına çırpılıb. Həmin vaxt avtomobildə olan sürücü Vüsal Əliyev yüngül xəsarət alıb.

 

Qəza nəticəsində hər iki maşına ziyan dəyib. Hadisə yerinə Bakı Şəhər Dövlət Yol Polis İdarəsinin əməkdaşları gəlib. Sürücülərin ifadələri alınıb. 

 

Qəzanın dəqiq səbəbi araşdırmaların yekununda məlum olacaq. Amma ilkin versiya bundan ibarətdir ki, "İnfiniti" markalı avtomobilin sürücüsü Uğur Mahmudov yol hərəkəti qaydalarını pozub və yol verilən sürət həddini aşıb.