Azərbaycanda telefon abunəçilərinin sayının artması ilə əlaqədar yeni statistik məlumatlar müəyyən edilib. Rabitə və Yüksək Texnologiyalar Nazirliyinin mətbuat xidmətinin rəhbəri Müşfiq Əmirov “APA-Economics”ə bildirib ki, nazirliyin Məlumat Hesablama Mərkəzi tərəfindən aparılan statistik araşdırma nəticəsində məlum olub ki, ölkə Məmmədov soyadlı stasionar telefon abunəçiləri nə az, nə çox - düz 56 557 nəfərdir. APA TV-nin məlumatına görə, digər soyadlar üzrə abunəçi sayı aşağıdakı kimidir: Əliyev - 43 258, Məmmədova - 29 287, Hüseynov - 27 047, Əliyeva - 22 947, Həsənov - 21 092, Quliyev - 20 014, İsmayılov - 15 572, Əhmədov - 14 903, Hüseynova - 14 386, Abdullayev - 13 227, Abbasov - 12 550, Cəfərov - 11 411. Qeyd edək ki, statistik məlumat respublika üzrə yalnız stasionar telefon abunəçilərini əhatə edir.