Yasamal rayonunda yol-nəqliyyat hadisəsi baş verib. APA TV-nin məlumatına görə, hadisə Şərifzadə 2 ünvanında qeydə alınıb. Sürücüsü  məlum olmayan “Mercedes” markalı avtomobil əks istiqamətdə hərəkətdə  olan “Opel”i vuraraq hadisə yerindən qaçıb. Baş verən qəzadan sonra hadisə yerinə gələn bir qrup  şəxslə zərərçəkmiş  sürücünün arasında  mübahisə yaranıb. Dərhal qəzanın baş verdiyi əraziyə Yasamal Rayon  Polis  İdarəsinin və yol polisinin əməkdaşları gəliblər. Hadisə şahidlərinin sözlərinə görə, qəza törədib hadisə yerindən qaçan sürücü sərxoş olub.

 

Faktla bağlı Yasamal Rayon Polis İdarəsində araşdırma aparılır.