Fövqəladə hallar naziri, general-polkovnik Kəmaləddin Heydərov  Horadiz şəhərində bölgə vətəndaşlarını qəbul edib. APA TV-nin Qarabağ bürosunun verdiyi xəbərə görə,  görüşdə nazir Füzuli, Ağcabədi, Beyləqan və Xocavənd rayonlarının sakinlərinin, habelə həmin rayonlarda məskunlaşmış məcburi köçkünlərin müraciətlərini dinləyib. Bundan başqa, kadr məsələləri ilə bağlı 116, digər məsələlərlə əlaqədar müraciət etmiş 147 vətəndaş nazir müavinləri, nazirliyin müvafiq baş idarə və qurum rəhbərləri tərəfindən qəbul edilib. Qəbulda Fövqəladə Hallar Nazirliyinin səlahiyyətlərinə aid olmayan müraciətlər aidiyyəti qurumlara çatdırılmaq üçün qeydiyyata alınıb və bununla əlaqədar vətəndaşlara ətraflı məlumat verilib.