İmişlidə  ölümlə nəticələnən  yol   qəzası  baş  verib.  APA TV-nin məlumatına görə, hadisə  ötən  gün  axşam saatlarında şəhərin   Heydər  Əliyev  prospektində  qeydə  alınıb.  Belə  ki,  Sabirabad rayon   sakini  Zahid Atakişiyevin  idarə etdiyi "Mercedes"lə   eyni    istiqamətdə   hərəkətdə   olan  İmişli  sakini  Adil  Qasımovun  idarə  etdiyi  motosiklet  toqquşub.  Qəza   zamanı  motosikletin   sürücüsü   müxtəlif   dərəcəli    ağır bədən  xəsarətləri  alıb.  Yaralı  dərhal İmişli Mərkəzi  Rayon Xəstəxanasına   çatdırılıb. Xəstəyə  ilkin tibbi yardım  göstərildikdən  sonra  vəziyyəti ağır olduğu üçün Bakıya  göndərilib. Lakin  o,   Bakıya  çatmadan  yolda  dünyasını  dəyişib. 

 

Faktla bağlı araşdırma aparılır.