Qusarda müəmmalı intihar: 53 yaşlı kişi doğum günündə özünü asdı
Qusar rayonunda intihar hadisəsi baş verib. Rayon Prokurorluğundan APA-ya verilən məlumata görə, fevralın 2-dən 3-nə keçən gecə rayon sakini, 1962-ci il təvəllüdlü Əliyar Yüzbəyov yaşadığı ünvanda özünü asıb. Onun intihar etməsinin dəqiq səbəbləri hələlik məlum deyil.
Qeyd edək ki, bu gün Əliyar Yüzbəyovun 53 yaşı tamam olub. Faktla bağlı cinayət işi başlanıb, araşdırma aparılır.
