Respublikanın daxili işlər orqanları tərəfindən cinayətkarlıqla mübarizə sahəsində daha bir uğurlu əməliyyat tədbiri həyata keçirilib və nəticədə külli miqdarda narkotik vasitə qanunsuz dövriyyədən çıxarılıb. 

 

APA TV-nin xəbərinə görə, Bakı Şəhər Baş Polis İdarəsi əməkdaşlarının əldə etdikləri əməliyyat məlumatı əsasında fevralın 5-də Bakı şəhər sakini 1987-ci il təvəllüdlü Ələşrəf Sultanovun idarə etdiyi “VAZ-2107” markalı avtomobilə baxış keçiriblər. Bu zaman avtomobilin yük yerindən narkotik vasitə olan 3 kiloqram 70 qram marixuana və 1 kiloqram 42 qram tiryək aşkar edilərək götürülüb.

 

Faktla bağlı Cinayət Məcəlləsinin 234.4.3-cü (külli miqdarda narkotik vasitələrin qanunsuz dövriyyəsi) maddəsi ilə cinayət işi başlanıb.  İstintaq və əməliyyat-axtarış tədbirləri davam etdirilir.