İŞİD terror təşkilatı daha bir İran generalını öldürüb. İranın "Tasnim" Xəbər Agentliyinin məlumatına görə, İnqilab Keçikçiləri Korpusunun (SEPAH) komandanlarından olan Seyid Rza Hüseyni Müqəddəm Bağdadın şimalında yerləşən Samirə şəhəri yaxınlığında öldürülüb. APA TV-nin xəbərinə görə, şənbə günü öldürülən generalın İŞİD və radikal terroristlərlə mübarizə aparmaq üçün İraqda olduğu qeyd olunur.

 

İranın "Tabnak" xəbər saytı Müqəddəmin 5-ci Nasr Diviziyası Kəşfiyyat-Əməliyyat komandirinin köməkçisi olduğunu yazıb. İranlı general öz vəsiyyətinə görə İraqın Nəcəf şəhərində dəfn olunub. Təxminən ay yarım əvvəl də SEPAH-ın generallarından Həmid Takavi də Samirə şəhərində İŞİD tərəfindən öldürülmüşdü.