"Rosneft"in rəhbəri İqor Seçin maraqlı açıqlama ilə çıxış edib. APA TV-nin Kommersant.ru-ya istinadən verdiyi məlumata görə, o bildirib ki, ölkəsi OPEC-ə müşahidəçi qismində üzv olmaq üçün müraciət edib, lakin kartel Rusiyanı tamhüquqlu üzv səviyyəsində görmək istəyir. "Biz təşkilata müşahidəçi kimi qatılmaq niyyətindəyik". Seçin bu barədə Beynəlxalq Neft Həftəliyində çıxışı zamanı bildirib. "OPEC-in Rusiyanı tamhüquqlu tərəfdaş kimi görmək istəyinə də hörmətlə yanaşırıq. Amma biz qurumun neft hasilatı ilə bağlı qoyduğu şərtlə razılaşa bilmərik. Çünki Rusiyanın bu sahədə imkanları daha zəngindir" deyə şirkət rəhbəri bildirib.