Gəncədə 41 yaşlı kişi intihara cəhd edib. APA TV-nin qərb bürosunun məlumatına görə, hadisə fevralın 16-da saat səhər saatlarında şəhərin Heydər Əliyev prospektində 8 mərtəbəli binada baş verib. Gəncə şəhər sakini, 1974-cü il təvəllüdlü Samir İdris oğlu Mehdiyev binanın 8-ci mərtəbəsinə çıxaraq, özünü yerə atmaq istəyib. Hadisə yerinə FHN-nin xilasediciləri və Gəncə şəhər Nizami rayon Polis İdarəsinin əməkdaşları cəlb edilib. Aparılan danışıqlar sayəsində S. Mehdiyevi fikrindən yayındırmaq mümkün olub və o, binanın damından düşürülüb.  

 

Məlumata görə, dünən S. Mehdiyevin azyaşlı övladı dünyasını dəyişib və o, buna dözməyərək intihara cəhd edib.