Abşeron rayonunda ağır yol qəzası baş verib.  APA TV-nin Daxili İşlər Nazirliyinin saytına istinadən verdiyi məlumata görə, hadisə fevralın 27-də saat 01.00 radələrində qeydə alınıb. Bakı şəhər sakini Ziyafət İbadov idarə etdiyi “Opel” markalı avtomobili yol ayırıcısına vurub. Nəticədə maşında olan sərnişinlərdən Xırdalan şəhər sakini İdris Səfərəliyev hadisə yerində ölüb, sürücü və digər 4 sərnişini xəstəxanaya yerləşdirilib. 

 

Hadisə yerinə gələn Fövqəladə Hallar Nazirliyinin  Xilasediciləri avtomobildə sıxılmış vəziyyətdə qalan sürücünü çıxararaq aidiyyəti üzrə təhvil veriblər. Avtomobilin beton dayaqlara dəydiyi bildirilir.