Göygöldə yük maşını piyadanı vuraraq öldürüb. APA TV-nin Qərb bürosunun verdiyi məlumata görə, hadisə Bakı-Qazax magistral yolunda,  Göygöl rayonun Hacıməlik kəndindən keçən hissəsində baş verib. Əslən Kəlbəcər rayonundan olan, hazırda Ağsu rayonunda məskunlaşan, 38 yaşlı Firdovsi Əhmədov yolu keçmək istəyərkən,  52 yaşlı Ukrayna vətəndaşı Yuriy Valçenkonun idarə etdiyi TIR tərəfindən vurulub. Piyada hadisə yerinə dünyasını dəyişib. Məlumata görə, ölən Firdovsi Əhmədov Kəlbəcər rayon Təhsil Şöbəsinə məxsus məktəblərin birinin direktoru vəzifəsində çalışıb. Faktla bağlı Baş Dövlət Yol Polisi İdarəsində araşdırma aparılır.