Şəkidə 21 yaşlı oğlan intihara cəhd edib. Şəhər-Rayon Polis Şöbəsindən APA TV-nin Şəki-Zaqatala bürosuna verilən məlumata görə, hadisə 15-ci rayon 20 Yanvar küçəsi ev 2 ünvanında qeydə alınıb. 1994-cü il təvəllüdlü Elnur İsmayılov istintaqa məlum olmayan səbəbdən özünü yaşadığı evin həyətyanı sahəsindəki ağacdan asaraq intihar etmək istəyib. Ailə üzvləri tərəfindən son anda xilas edilən gənc ağır vəziyyətdə Şəki Mərkəzi Rayon Xəstəxanasına yerləşdirilib.

 

Faktla bağlı araşdırma aparılır.