“Biz Çanaqqala savaşının 100-cü ildönümünü qeyd edirik. Bununla bağlı Ermənistanla yazışma içərisində deyilik. Bu tədbirlərlə dünyaya çox böyük sülh mesajları vermək istəyirik. Hazırda bu mesajların verilməsini çox vacib hesab edirik”.

 

APA TV-nin xəbərinə görə, bunu Türkiyənin Azərbaycandakı səfiri İsmayıl Alper Çoşqun deyib.

 

Səfir Rusiyanın Çanaqqala savaşının 100-cü ildönümü ilə bağlı tədbirlərə qatılacağı barədə məlumatlara da münasibət bildirib:

 

“Rusiya kimi çox yaxşı münasibətlər qurduğumuz bir ölkənin də bu tədbirdə ən yüksək şəkildə iştirak etməsini çox məmnunla qarşılaya bilərik”.

 

Səfir tədbirdə konkret olaraq hansı ölkələrdən nümayəndələrin iştirak edəcəyi haqda məlumatının olmadığını söyləyib. Əlavə edib ki, Çanaqqala savaşı ilə əlaqəsi olan ölkələrin hamısına dəvətnamə göndərilib.