Bakı şəhər Baş Polis İdarəsi Narkotiklə Mübarizə İdarəsinin əməkdaşlarının Binəqədi rayonunun M.Ə Rəsulzadə qəsəbəsində keçirdiyi əməliyyat-axtarış tədbirləri nəticəsində Qazax rayon sakini, əvvəllər məhkum olunmuş Ceyhun Xanbaba oğlu Vəliyevin üzərindən dövriyyəsi qanunla qadağan olunan iki ədəd qutuda qablaşdırılmış ümumi çəkisi 7,37 qram qurudulmuş marixuana aşkarlanıb. Daha sonra 1966-cı il təvəllüdlü Ceyhun Vəliyevin idarə etdiyi “VAZ 21 07” markalı avtomobilə baxış keçirilib. Avtomobilin saxlanc yerindən isə ümumi çəkisi 8 kiloqram 10 qram qurudulmuş marixuana tapılıb: "Çayxanadan çıxdım, özlərini təqdim etdilər. Üstümə baxış keçirdilər, nəşə çıxdı".

 

Faktla bağlı araşdırma aparılır.