Gecə saatlarında Siyəzən rayonu ərazisində ölümlə nəticələnən yol-nəqliyyat hadisəsi baş verib. APA TV-nin yerli bürosunun verdiyi məlumata görə, hadisə Bakı-Quba-Rusiya avtomobil yolunun Siyəzən rayonunun Gilgilçay kəndi ərazisindən keçən hissəsində qeydə alınıb.

 

Qobustan rayon sakini, 48 yaşlı Arif Balayevin idarə etdiyi “MAN” markalı yük avtomobili ilə Yevlax rayon sakini, 57 yaşlı Yaqub Səfərovun idarə etdiyi “KamAZ” markalı yük avtomobili toqquşub. Hər iki yük avtomobili Quba rayonu istiqamətində hərəkətdə olub.

 

Hadisə zamanı “KamAZ”ın sürücüsü xəsarət almasa da, “MAN”ın sürücüsü ağır yaralanıb. O, Şabran Mərkəzi Rayon Xəstəxanasına çatdırılarkən yolda ölüb. 

 

Faktla bağlı araşdırma aparılır.