Şabranda icra nümayəndəsi göldə boğulub
Şabran rayonunda bədbəxt hadisə baş verib. APA TV-nin şimal bürosunun məlumatına görə, Şabran Rayon İcra Hakimiyyəti başçısının Şahnəzərli İnzibati Ərazi Vahidliyi üzrə nümayəndəsi, 1986-cı il təvəllüdlü Soltanov Ağalar Mürsəl oğlu göldə boğularaq ölüb.
Hadisə dünən axşam A. Soltanov Daşlıyataq kəndində əmisinin şəxsi təsərrüfatındakı göldə balıq tutarkən qeydə alınıb.
Faktla bağlı araşdırmalar davam etdirilir.