“Neftçi”nin prezidenti Sadıq Sadıqov vəzifəsindən ayrılmaq qərarına gəlib. Klubdan apasport.az saytına verilən məlumata görə, Sadıqov artıq istefa verib. İstefanın səbəbləri hələlik açıqlanmır. 
 

Qeyd edək ki, 2009-cu ildən “Neftçi”nin rəhbər vəzifəsini yerinə yetirən Sadıq Sadıqovun dövründə komanda 3 dəfə Azərbaycan çempionu, 2 dəfə ölkə kubokunun qalibi olub, 1 dəfə də Avropa Liqasının qrup mərhələsində iştirak edib.

Bu arada yeni prezidentin də adı məlum olub. Kluba bundan sonra AYB-nin katibi, dünya şöhrətli yazıçı Çingiz Abdullayev rəhbərlik edəcək. Məlumata görə, onun prezident olması artıq rəsmiləşdirilib. AYB-nin mətbuat xidmətinin rəhbəri Xəyal Rza xəbəri təsdiqləyib. Mətbuat xidmətinin rəhbəri apasport.az saytına bildirib ki, Ç.Abdullayevin kluba prezident təyin edilməsi bu ayın əvvəlindən bəlli idi.