Amerikalı milyarder Cors Soros Avropa İttifaqını ikili standart siyasəti yürütməkdə ittiham edib. APA TV-nin məlumatına görə, milyarder bildirib ki, Ukrayna uçurumun bir addımlığındadır. Başı Yunanıstanın problemlərinə qarışan Avropa İttifaqı isə Ukraynanın tamam yaddan çıxarıb. Corc Soros Avropa İttifaqını Ukrayna münaqişəsinə kökündən düzgün yanaşmamaqda günahlandırıb. Onun sözlərinə görə, Ukraynaya edilən yardım ölməkdə olan xəstəyə sistemlə damcı-damcı qlükoza köçürmək kimi bir şeydir. Xatırladaq ki, amerikalı milyarder bundan əvvəl bildirmişdi ki, əgər Avropa İttifaqı Ukraynaya lazımi dəstək verməsə, onu birdəfəlik itirmək təhlükəsi ilə üzləşəcək.