Moskva Yəməndəki vəziyyətin İranla ərəb ölkələri arasında açıq qarşıdurmaya keçməməsi üçün əlindən gələni edəcək. APA TV-nin Rusiya mənbələrinə istinadən verdiyi məlumata görə, bunu Rusiyanın xarici işlər naziri Sergey Lavrov bəyan edib. "Bu dəhşətli nəticələrə gətirib çıxara bilər" deyə diplomat əlavə edib. Lavrov qeyd edib ki, əgər bu baş verərsə sünni-şiə münaqişəsinə keçə bilər. "Biz dünyaya bu təhlükə barədə hələ bəzi islam ölkələrində "ərəb baharı" qığılcımları yaşanan zaman xəbərdarlıq edirdik, lakin sözümüzü eşitmirdilər və ya eşitmək bəzilərinə sərf etmirdi. Həmin qüvvələr indi də sünni-şiə məsələsini qızışdırmaqla bu təhlükəni daha da artırılar. Biz buna yol verməyəcəyik".