Son günlər Azərbaycanın güclü yağışlar Cəlilabad rayonunda torpaq sürüşmələrinə səbəb olub. APA TV-nin cənub bürosunun məlumatına görə, hadisə Cəlilabad-Sadatlı avtomobil yolunda qeydə alınıb. Sürüşmə nəticəsində yolda dərinliyi yarım metrə çatan çatlar əmələ gəlib. Ən təhlükəli vəziyyət isə Qamışlıgöl və Sadatlı kəndlərini birləşdirən yolda hissəsində yaranıb. 10-a yaxın kəndin əhalisinin mütəmadi istifadə etdiyi yolun müxtəlif  hissələrində asfalt qatı aralanıb.

 

Sürüşmə zonasında yerləşən bəzi evlərin və yardımçı tiklilərin  divarlarında iri çatlar yaranıb. Sürüşmənin  belə sürətlə davam etməsi  tədricən ətraf təpələrdə iri topaq qatının uçmasına da  gətirib çıxara bilər. Cəlilabad Rayon Fövqəladə Hallar Komissiyasının sədri Asif Əzizov bildirib ki, əraziyə baxış keçirilməsi üçün mütəxəssislər dəvət olunub. Sürüşmə zonasındakı aktivlik yoxlanıldıqdan sonra yolun çökmüş hissəsində  bərpa işləri aparılacaq.