Dağıstanın Xasavyurt rayonunda “Kizlyar qruplaşması”nın lideri məhv edilib. APA TV-nin məlumatına görə, İŞİD terror təşkilatına biət edən “Kizlyar qruplaşması”nın rəhbəri Şahban Həsənov xüsusi əməliyyat zamanı zərərsizləşdirilib. Rusiya Antiterror Komitəsi artıq əməliyyatın görüntülərini yayıb. Əməliyyat zamanı xüsusi təyinatlılar terror qruplaşması üzvlərinin olduğu evi mühasirəyə alıblar. Bir neçə saat davam edən atışma zamanı Şahban Həsənov öldürülüb, evdən çoxlu sayda silah-sursat götürülüb.