Aprelin əvvəlində Türkiyə sərhədçiləri tərəfindən Suriya sərhədindəki Oğulpınar məntəqəsində saxlanılan Britaniya vətəndaşları ölkələrinə deportasiya edilib.

 

APA TV-nin "Euronews"a istinadən verdiyi məlumata görə, onlar sərhəddən Suriya ərazinə keçərək İŞİD-ə qoşulmaq istəyiblər. Britaniyalı vətəndaşların arasında 4 nəfər azyaşlı da olub.

 

"Sky News"un məlumatına görə, hazırda İŞİD sıralarında 600 Britaniya vətəndaşı döyüşür. Avropa Türkiyənin cənub sərhədlərinin qorunmasında çatışmazlıq olduğunu dəfələrlə bildirib və Ankaranı bununla əlaqədar qınayıb. Türkiyə isə Avropa İttifaqını İŞİD-in tərkibində döyüşmək arzusunda olanların qarşısını ala bilməməkdə təqsirləndirir.