Gəncədə oğurluqla məşğul olan Gürcüstan vətəndaşlarından ibarət mütəşəkkil dəstə yaxalanıb.

 

APA TV-nin məlumatına görə, Gəncə şəhəri Nizami Rayon Polis İdarəsi əməkdaşlarının həyata keçirdiyi əməliyyat-axtarış tədbirləri nəticəsində martın 17-də Nail Əsgərovun evindən 10000 ABŞ dolları, 10000 manat dəyərində qızıl əşyalar, 3 ədəd mobil telefon, geyim və məişət əşyaları oğurlamış Gürcüstan vətəndaşları Qriqori Kuraşvili, Nika Bumbeşvili və Qiyantsa Salakadze saxlanılıb və barələrində həbs-qətimkan tədbiri seçilib.

 

Onların bu ilin yanvar ayından Gəncəyə gəldiyi bildirilir. Dəstənin azərbaycanlı üzvünün kimliyi barədə məlumat verilmir. Bu şəxslərin analoji cinayətlərdə iştirakı istisna olunmur.