Türkiyənin Van vilayətində hakim Ədalət və İnkişaf Partiyasının Van vilayəti üzrə deputatlığa namizədlərinin avtobusu hücuma məruz qalıb.

 

APA TV-nin "Mecideköy Ajans"a istinadən verdiyi məlumatına görə, hadisə namizədlərin seçki kampaniyası aparan zaman baş verib.

 

Bir qrup fəal əvvəlcə yumurtalarla avtobusa hücum edib. Daha sonra daşlarla da hücum edənlər olub. Atılan daşlardan biri partiyanın qadın namizədi Zeynəb Dülgənin başına dəyib. Lakin xoşbəxtlikdən qadın yüngül xəsarətlə hücumdan xilas olub.

 

Zeynəb Dülgə ona hücum edən şəxslərin düşüncə tərzini əllərindəki daşla müqayisə edib.