Liviyanın paytaxtı Tripolidə İspaniya səfirliyinin binası partladılıb.

 

APA TV-nin "Vesti.az"a istinadən verdiyi məlumata görə, insan itkisi qeydə alınmasa da, binaya zərər dəyib.

 

Ehtimallara görə, partlayıcı qurğu səfirliyin binasının yaxınlığında yerləşdirilib. Qurğunun İŞİD terrorçuları tərəfindən quraşdırıldığı güman edilir. Bu arada İŞİD qruplaşması sosial şəbəkələrdə terror aktını törətdiklərini etiraf ediblər.

 

Xatırladaq ki, ispan diplomatlar Liviya ərazisini hələ ötən ilin yayında tərk ediblər.