Misirin devrilmiş prezidenti Məhəmməd Mursiyə 20 il həbs cəzası verilib. O, etiraz aksiyalarında baş vermiş ölüm hallarına görə günahlandırılır.

 

Xatırladaq ki, Məhəmməd Mursi 1992-ci ildə “Müsəlman qardaşlar” hərəkatına qoşulub. 2000-ci ildə parlamentə deputat seçilib. 2006-cı ildə Hüsnü Mübarək rejiminə qarşı aksiyalara görə 7 ay həbsdə yatıb. 2011-ci ilin aprelində “Müsəlman qardaşlar” hərəkatına daxil olan Azadlıq və Ədalət Partiyasına rəhbər seçilib. 2012-ci ildə Misir prezidenti seçilən Məhəmməd Mursi 2013-cü ilin iyun və iyul aylarında baş vermiş kütləvi nümayişlərdən sonra Misir Silahlı Qüvvələri tərəfindən devrilərək həbs olunub.

 

Məhəmməd Mursi Misirin seçilmiş ilk prezidenti olub.