Bərdə rayonunda qətl törədilib. APA-nın Qarabağ bürosunun xəbərinə görə, hadisə Bərdə mərkəzi bazarında qeydə alınıb.

 

Taksi fəaliyyəti ilə məşğul olan Bərdə sakini, 1980-ci il təvəllüdlü Elsevər Cəfərovla Ağdam sakini Ceyhun İbrahimov arasında yaranan mübahisə birincinin bıçaqlanması ilə nəticələnib. Ceyhun İbrahimov Elsevər Cəfərova ürək nahiyəsindən xəsarət yetirib. Elsevər Cəfərov dünyasını dəyişib. Ceyhun İbrahimov polis tərəfindən saxlanılıb.

 

Faktla bağlı Bərdə rayon Prokurorluğunda cinayət işi açılıb, araşdırma aparılır.