“İranın tamhüquqlu oyunçu kimi beynәlxalq ictimaiyyәtә qayıtması bizim marağımızdadır”.

 

APA TV-nin mәlumatına görә, bunu Azərbaycan Xarici İşlәr Nazirliyinin Beynәlxalq Tәhlükәsizlik Departamentinin rәhbәri Qaya Mәmmәdov deyib.

 

Onun sözlәrinә görә, İranın beynәlxalq ictimaiyyәtә qayıtması ilə neft sәnayesindә rәqabәtin artmasına dair narahatlığa əsas yoxdur: "Qonşularımızı sülh şәraitindә görmәk bizim maraqlarımızdadır. İranla nüvә sahәsindә razılaşma bu istiqamәtdә böyük addımdır. Biz bütün bu addımları müsbәt dәyәrlәndiriririk. Tәbii ki, rәqabәtlilik artacaq. Hәr kәs öz neft vә qazını Avropa bazarında satmaq istәyir. Avropa da öz qaz tәminatını diversifikasiya etmәkdә maraqlıdır. Azәrbaycan resurslarını birbaşa siyasi mәsәlәlәrdә istifadә etmir. Bәzi ölkәlәr bu kimi addımlar atır".

 

"Xәzәr dәnizi әmәkdaşlıq dәnizidir vә tәbii resurslarla, әsasәn neft vә qazla zәngindir" deyən Qaya Mәmmәdovun sözlәrinә görә, Azәrbaycan artıq bir sıra neft layihәlәri hәyata keçirir: "Azərbaycan özünü və dünyanın bir hissəsini qazla tәmin etmәk gücündәdir. Qaz neftdәn bir qәdәr fәrqli resursdur, uzunmüddәtli layihәlәr tәlәb edir. Hazırda dünya bazarına müәyyәn hәcmdә qaz verә bilәcәk layihәlәr işlәnir. Xәzәr qarşılıqlı anlaşma vә sülh dәnizidir, daim geosiyasi vәziyyәti vә tәbii resursları baxımından regiondan kәnardakı nәhәng oyunçuların maraq dairәsindә olub".

 

Qeyd edək ki, Bakıda Azərbaycan NATO Beynəlxalq Məktəbinin (NİSA) növbәti konfransı keçirilir. Mayın 1-dək davam edәcәk tәdbirin mövzusu "Xәzәr regionunun geosiyasi icmalı: Azәrbaycan üçün yeni yol"dur.  Konfransda regionun tarixi vә geosiyasi inkişafı, region ölkәlәrinin mövqelәri vә strateji maraqları, böyük dövlәtlәrin, o cümlәdәn beynәlxalq vә regional tәşkilatların apardığı siyasәt, bunun regiona tәsiri vә digәr mövzular müzakirә olunacaq.  Tәdbirdә Azәrbaycan, Almaniya, Bolqarıstan, Gürcüstan, Kanada, İtaliya, Litva, Macarıstan, Qazaxıstan, Pakistan, Polşa, Rusiya, Slovakiya, Türkiyә, Ukrayna vә başqa ölkәlәrdәn 40 tәlәbә vә gәnc alim iştirak edir.