Ötən gecə paytaxtın Nəsimi rayonunda sürücünün xəsarət alması ilə nəticələnən qəza baş verib. APA TV-nin məlumatına görə, hadisə Füzuli küçəsində qeydə alınıb. Baş verən qəza zamanı İmanqulu Xəlilovun sükanı arxasında olduğu "Mercedes" markalı minik maşını ilə Talışxan Əkbərovun idarə etdiyi "London taksisi" toqquşub. Nəticədə "Mercedes"in sürücüsü İmanqulu Xəlilov baş nahiyəsindən xəsarət alıb. Əraziyə təcili yardım çağırılıb. Yaralıya ilkin yardım göstərildikdən sonra xəstəxanaya aparılıb.

 

Qəza yerinə gələn Nəsimi Rayon Polis İdarəsinin əməkdaşların apardığı müayinələrdən sonra, qəza ilə bağlı ilkin səbəb müəyyən edilib.

 

Hadisənin baş vermə  səbəbi  ekspertizanın verəcəyi rəydən sonra bəlli olacaq.