Gəncədə 21 yaşlı oğlan bıçaqlanıb. APA TV-nin Qərb bürosunun verdiyi məlumata görə, hadisə aprelin 30-da saat 04.00 radələrində şəhərin Əttarlar küçəsində qeydə alınıb. Gəncə şəhər sakini, 1994-cü il təvəllüdlü Əşrəfov Şükür Akif oğlu döş qəfəsinin və qarnının kəsilmiş-deşilmiş yarası diaqnozu ilə Gəncə şəhər Təcili Tibbi Yardım xəstəxanasına çatdırılıb. Dərhal əməliyyat edilən 21 yaşlı oğlanın vəziyyətinin orta-ağır olduğu bildirilir.

 

Nizami Rayon Polis İdarəsindən APA TV-y’ verilən məlumata görə, Şükür Əşrəfov qonşusu 1991-ci il təvəllüdlü Əndirəsul Rüstəməli oğlu tərəfindən bıçaqlanıb. Onların arasında münaqişə yaranıb, bıçaqlanma hadisəsi də bu zaman baş verib.

 

Faktla bağlı Gəncə şəhər Baş Polis İdarəsində araşdırma aparılır.