Yasamal sakini lotereyadan udduğu pulla heroin alarkən tutuldu
Yasamal polisi narkotik maddələrin satışı ilə məşğul olan rayon sakini saxlayıb.
APA TV-nin məlumatına görə, Yasamal rayon sakini Cəbrayıl Camalov 1 kiloqrama yaxın heroinlə tutulub.
Polisə ifadəsində o bildirib ki, bir neçə ildir narkotik maddə istifadəçisidir. Heroini "20 Yanvar" metro stansiyasının yaxınlığında əvvəllər tanımadığı şəxsdən alıb. C.Camalovun sözlərinə görə, 1 kiloqrama yaxın heroinə o, 500 manat pul verib. Pulu isə idman yarışları lotereyasından udub.
Faktla bağlı Yasamal Rayon Polis İdarəsində cinayət içi açılıb, araşdırma aparılır.
