Azərbaycan Respublikası ilə Türkiyə Respublikası arasında hərbi əməkdaşlıq haqqında sazişə əsasən mayın 12-dən başlayan iki ölkənin Silahlı Qüvvələrinin birgə taktiki təlimləri davam edir.

 

APA TV-nin Azərbaycan Müdafiə Nazirliyinin saytına istinadən xəbərinə görə, təlimlərə cəlb edilən bölmələr tərəfindən növbəti mərhələdə qarşılıqlı uzlaşma şəraitində müxtəlif döyüş elementləri praktiki şəkildə həyata keçirilib.

Keçirilən təlimlərin əsas məqsədi motoatıcı və tank bölmələri, raket və artilleriya qurğuları, zenit-raket kompleksləri və helikopterlərdən döyüş atışları etmək, həmçinin təcrübə mübadiləsi aparmaq, qərargahlar və bölmələr arasında koordinasiyanı inkişaf etdirməklə qarşılıqlı fəaliyyətə nail olmaqdır. 

 

Təlimlər mayın 16-dək davam edəcək.