“Eurovision-2015” mahnı müsabiqəsində builki təmsilçimiz olan Elnur Hüseynov ötən gün ilk rəsmi məşqinə çıxıb.

 

APA TV-nin məlumatına görə, “Eurovision-2015” mahnı müsabiqəsinin ikinci yarımfinalında iştirak edəcək ifaçıların Vyana səhnəsində birinci rəsmi məşqi başlayıb.  Azərbaycan təmsilçisi Elnurla birlikdə səhnədə biri qız, digəri oğlan olmaqla, iki rəqqas yer alıb.

 

Təmsilçimizin əsas məqsədi mahnının ideyasını, yəni “hər ürək üçün vuruşmaq lazımdır” mesajını Avropa auditoriyasına çatdırmaqdır.

 

Qeyd edək ki, Elnur Hüseynov mayın 21-də "Eurovision 2015” mahnı müsabiqəsinin ikinci yarımfinalında 11-ci sırada "Hour of the Wolf” mahnısı ilə çıxış edəcək.