Əfqanıstanda “Taliban” hücumu: 10 polis öldü, 3-ü girov götürüldü
Əfqanıstanda “Taliban” döyüşçülərinin hücumları nəticəsində ən azı 10 polis əməkdaşı həlak olub.
APA TV-nin məlumatına görə, hadisə Əfqanıstanın cənubundakı Gilment əyalətində baş verib.
Taliblərin Sangin rayonunda 10-dək polis postuna hücum etdiyi xəbər verilir. Terrorçular daha 3 polisi girov götürüblər.
Qeyd edək ki, radikal yönümlü “Taliban” hərəkatı Əfqanıstan ərazisində irimiqyaslı terrorçuluq fəaliyyəti göstərir.
