Ukrayna prezidenti Pyotr Poroşenko Donbasda münaqişə dövründə 1800 ukraynalı hərbçinin həlak olduğunu bildirib.

 

APA TV-nin məlumatına görə, bu barədə Pyotr Poroşenko “İnter” telekanalına müsahibəsində bildirib.

 

“2014-2015-ci illərdə Ukraynanın müstəqilliyi uğrunda müharibədə 1800-dən çox hərbçimiz həlak olub”, - deyə Poroşenko bildirib.

 

Poroşenko Rusiyanın Ukrayna planını da açıqlayıb. Onun sözlərinə görə, “Novorossiya” layihəsinə görə Ukraynanın daha 9 vilayəti ələ keçiriləcək.

 

Qeyd edək ki, bundan əvvəl tanınmamış "Donetsk Xalq Respublikasının Xalq Şurası"nın vitse-spikeri bəyan etmişdi ki, münaqişə zamanı Donbasda ölənlərin 90%-i dinc sakindir.