Səudiyyə Ərəbistanının Əd-Dəmmam şəhərində şiə məscidinin parladılması məsuliyyətini İŞİD üzərinə götürüb. APA TV-nin "Euronews"a istinadən xəbərinə görə, hadisə ötən həftə baş verib.

 

Səudiyyə Ərəbistanının Daxili İşlər Nazirliyinin açıqlamasında bildirilir ki, partlayış nəticəsində 4 nəfər həyatını itirib, ölənlərdən biri terror aktını həyata keçirən şəxsdir.

 

Terrorçu-kamikadze məscidin çıxışında saxladığı avtomobili partladıb. Terror aktının həyata keçirildiyi Əş-Şərqiyyə əyalətinin sakinləri əsasən şiələrdir. Bölgədə dini zəmində tez-tez müxtəlif cinayətlər törədilir. Son vaxtlar isə şiələrə aid məscidlərə hücumlar intensivləşib. Hadisə etirazlara səbəb olub, aksiyalar keçirilib. Dəfn mərasiminə gələnlərin sayı minlərlə olub.