Bakıda iki avtomobil toqquşdu, yaralananlar var
Bakıda yol-nəqliyyat hadisəsi baş verib. APATV-nin məlumatına görə, hadisə Nobel prospektində qeydə alınıb.
Sürücüsü hələlik məlum olmayan “QAZel” markalı yük avtomobili ilə “Mercedes” markalı mikroavtobus toqquşub. Qəza zamanı 2 nəfər müxtəlif bədən xəsarətləri alaraq xəstəxanaya yerləşdirilib.
Hadisə yerinə FHN-in xilasediciləri və polis əməkdaşları gəlib.
Qəza nəticəsində Nobel prospektindən şəhər istiqamətinə tıxac yaranıb. Tıxac tez bir zamanda yol polisi tərəfindən aradan qaldırılıb.
