"Hizbullah" lideri Həsən Nasrullah İŞİD-in bölgədə hücuma keçdiyini açıqlayıb.

 

APA TV-nin "İnterfax"a istinadən verdiyi məlumata görə, İŞİD silahlıları Livan-Suriya sərhədi istiqamətində peyda olub və onların qarşısı "Hizbullah" döyüşçüləri tərəfindən alınır.

 

"İŞİD-ə qarşı Kalamun rayonu ərazisində əks-hücuma keçmişik" - deyə, Həsən Nasrullah bildirib. O, əlavə edib ki, artıq bir neçə İŞİD terrorçusu ələ keçirilib, onların xeyli sayda texnikası məhv edilib.

 

"Biz əməliyyatları terrorçuların ərazidə tam məhv edilməsinə qədər davam etdirəcəyik. Biz onları bu bölgədən çıxaracağıq" - deyə, Həsən Nasrullah qeyd edib.