Türkiyənin İstanbul şəhərindəki 3 mərtəbəli fabrikdə naməlum səbəbdən yanğın baş verib. APA TV-nin  məlumatına görə, tül fabrikində başlayan yanğın səbəbindən hadisə yerinə İstanbulun 11  rayonunun yanğından mühafizə briqadaları cəlb olunub. Yanğından mühafizə dəstələri yanğının söndürülməsi və ətraf binalara keçməsinin qarşısının alınması üçün çalışıblar. Yanğının baş verdiyi əraziyə çox sayda təcili yardım briqadaları cəlb olunsa da xəsarət alanlar barədə məlumat verilməyib. Yanğın təxminən iki saatdan sonra söndürülüb. Qeyd edək ki, bundan 20 gün əvvəl də həmin fabrikdə kiçik ölçülü yanğın baş vermişdi.