Azərbaycan idmançıları Avropa Oyunlarında ilk medalını qazanıb.

 

APA TV-nin xəbərinə görə, medalı hesabımıza qadınlardan ibarət karate yığmamızın üzvü, 55 kiloqram çəkidə mübarizə aparan İlahə Qasımova yazdırıb.

 

O, bürünc medal uğrunda döyüşdə ispan rəqibi Kristina Ferrer Qarsiya ilə qarşılaşıb. Gərgin mübarizə şəraitində keçən döyüş idmançımızın 4-2 hesablı qələbəsi ilə başa çatıb.

 

Kristina Ferrer Qarsiyanın məşqçisi nəticəyə etiraz etsə də, hakimlər müşavirədən sonra idmançımızın qələbəsini rəsmiləşdiriblər.