Azərbaycanın güləş yığması daha bir medal qazanıb. 55 kiloqram çəki dərəcəsində mübarizə aparan qadın güləşçimiz Natalya Sinişin bürün medal uğrunda görüşdə Ukrayna təmsilçisi Tatyana Kitlə qarşılaşıb. Görüşün birinci hissəsi güləşçimizin tam üstünlüyü ilə keçib. Ard-arda fəndlər işlədən Natalya Sinişin ilk hissəni 8-0 hesabı ilə başa vurub. İkinci hissənin sonlarında daha bir fənd işlətməyə nail olan güləşçimiz görüşü təmiz qələbə ilə başa vurub. Bu, qadın yığmamızın hesabında olan ikinci medaldır. 48 kiloqram çəki dərəcəsində mübarizə aparan Mariya Stadnik finalda bolqar rəqibini 12-1 hesabı ilə məğlub edərək qızıl medal qazanmışdı.