Prezident İlham Әliyev Avropa Olimpiya Komitәsinin prezidenti Patrik Hikkinin "Şәrәf" ordeni ilә tәltif edilməsi haqqında sərəncam imzalayıb.

 

APA TV-nin məlumatına görə, bu barәdә gәnclәr vә idman naziri Azad Rәhimov bildirib.

 

Nazir Patrik Hikkiyə bu münasibәtlә tәbriklərini də çatdırıb: "Avropa Oyunları onun dәstәyi altında keçirilir. Məhz Patrik Hikki sayәsindә Avropa bu gözəl anları yaşayır. Bu gün həm də onun 70 yaşı tamam olur".

 

Bakı-2015 I Avropa Oyunlarında biletlәrin çatışmazlığı ilə bağlı mәsәlәyə toxunan A.Rəhimov deyib ki, hazırda biletlәrin satışı ilә bağlı heç bir texniki problem yoxdur. Onun sözlәrinә görә, xırda texniki problemi yaranan kimi hәll olunur.

 

Dünәn I Avropa Oyunları çərçivəsində 4 idman növü üzrә yarışlar keçirildiyini deyən I Avropa Oyunları Əməliyyat Komitəsinin əməliyyatlar üzrə baş icraçı direktoru Saymon Kleq bildirib ki, ötәn gün 9 mәkanda keçirilәn yarışlarda 23 mindәn çox tamaşaçı iştirak edib: "Bütün mәkanlarda orta davamiyyәt 70 faiz olub. Hazırda 5115 atlet idman kәndindә yaşayır. Bu gün ölkәni tәrk edәn idmançıların  sayı gәlәnlәrin sayını 3 dәfә üstәlәyәcәk. Bu gün oyunları 30 min tamaşaçının izlәyәcәyini gözlәyirik. Saat 11.00-dan velosiped yarışları ilә əlaqədar yollar bağlanacaq".

 

Azad Rəhimov qeyd edib ki, idmanın siyasiləşdirilməsinin əleyhinədir. Nazir bu cür halların neqativ hal olduğunu və siyasətin idmana qarışmasını istəmədiyini vurğulayıb.