Sentyabrın 11-dən 13-dək Azərbaycanda seçkiləri müşahidə edəcək AŞPA-nın missiyasının rəhbəri Robert Uolterin rəhbərlik etdiyi 7 deputatdan ibarət nümayəndə heyəti ölkəmizə səfər edəcək. AŞPA mətbuat xidmətindən bildirilib ki, səfərin məqsədi seçki qabağı situasiyanı və seçki kampaniyasının gedişini dəyərləndirməkdir. APA TV-nin xəbərinə görə, nümayəndə heyəti səfər zamanı prezident İlham Əliyev, prezidentliyə namizədlər, Milli Şuraya daxil olan müxalifət partiyalarının nümayəndələri ilə görüşəcəklər. Bundan başqa heyət Azərbaycanın AŞPA-da nümayəndə heyətinin üzvləri, MSK sədri, QHT və media nümayəndələri ilə görüşəcək. Nümayəndə heyəti səfərin nəticələrinə dair bəyanatla çıxış edəcəklər.