“Gənclər arasında Avropa çempionu, iki dəfə Avropa üçüncüsü olmuşdum. Avropa Oyunlarında qazandığım gümüş medal daha əhəmiyyətlidir. Tək mənim üçün yox, bütün komanda üçün bu, fəxrdir”. Bu fikirləri I Avropa Oyunlarının gümüş mükafatçısı, samboçumuz Vasif Səfərbəyov deyib.

 

Səfərbəyov bildirib ki, final görüşündə ani səhv ucbatından məğlub olub: “Dözümüm çatmadığı üçün həmin səhvə yol verdim. Buna görə də, finalda məğlubiyyətlə üzləşdim”.

 

Qeyd edək ki, samboçuların yarışında +100 kq çəki dərəcəsində mübarizə aparan Səfərbəyov finalda Rusiya təmsilçisi Artyom Osipenkoya məğlub olaraq, gümüş medal qazanıb.