Avropa Oyunlarında ilk qadın boksçumuz yarımfinala vəsiqə qazanıb. APA TV-nin xəbərinə görə, ən azı bürünc medalı artıq təmin edən idmançımız boks yarışlarında 54 kiloqram çəki dərəcəsində mübarizə aparan Anna Əlimərdanovadır.

 

¼ finalda bolqarıstanlı dünya çempionu Stanimira Petrova ilə qarşılaşan Əlimərdanova üçün görüş çətin keçib. Buna rəğmən 3:0 hesabı ilə qalib gələn boksçumuz yarımfinala vəsiqəni təmin edə bilib. Anna Əlimərdanovanı yarımfinalda Rusiya təmsilçisi Yelena Savelyeva ilə görüş gözləyir.

 

Xatırladaq ki, bundan əvvəl boks yığmamızın daha dörd üzü - Tayfur Əliyev, Elmin Məmişzadə, Teymur Məmmədov və Məmmədrəsul Məcidov yarımfinalda çıxış etmək hüququ qazanıblar.