“Titanik”, "Cəsur ürək" və “Avatar” filmlərinin bəstəkarı Ceyms Horner təyyarə qəzası nəticəsində dünyasını dəyişib.

 

APA-nın Rusiya mətbuatına istinadən verdiyi məlumata görə, qəza Santa-Barbara şəhəri yaxınlığında baş verib. C.Hornerə məxsus kiçik təyyarə qəzaya uğrayıb.  

 

Faktı Ceyms Hornerin köməkçisi də təsdiqləyib. Təyyarə qəzasının səbəbi hələlik bəlli deyil.

 

Qeyd edək ki, 61 yaşlı C.Horner “Titanik” və “Avatar” filmlərindən başqa “Cəsur ürək”, “Troya” və digər məşhur filmlərin də bəstəkarı olub. Bəstəkar 1998-ci ildə “Titanik” filminə görə iki nominasiya üzrə “Oskar” mükafatına layiq görülüb.